大王東街後巷救起口炎流浪貓
日期： 2023-03-19 13:44:02
作者： 阿燕
瀏覽： 1143
大王東街近電車路嘅後巷，有隻黑白色流浪貓成日喺度流口水，咀邊啲毛污糟曬，食親嘢都痛到大叫。
我同青青收到街坊報料後一連幾日去觀察，發現佢係一隻成年貓女，好瘦，想食嘢但咬唔到。
我哋擺低罐頭，佢好想食但一掂到就縮開。
最後我哋用捕貓籠捉到佢，即刻帶去診所。
獸醫話佢有嚴重慢性口炎，成個牙肉又紅又腫，連吞口水都痛，建議全口剝牙。
我聽到好心疼。
手術後佢要留醫幾日，而家已經可以食軟糧，體重慢慢回升。
我哋改佢名叫「大王妹」。
冇曬牙之後佢反而好鍾意食嘢，成日喵喵叫問攞嘢食。
雖然佢唔可以再咬乾糧，但佢仲係好可愛，成日喺暫養中心碌地沙。
希望佢可以揾到個永遠嘅屋企。
95035320