愛和流浪動物之家正式成立！七個灣仔後生仔女嘅動物救援夢

籌備咗幾個月，我哋「愛和流浪動物之家」終於正式成立喇！我哋係七個喺灣仔區成長或者返工嘅年輕人，來自各行各業，有設計師、有護士、有記者、有社工學生，因為一個共同嘅理念走埋一齊——就係想為灣仔區嘅流浪動物做啲嘢。

我哋冇龐大嘅資金，冇政府資助，全部都係靠自己嘅人工自費營運。龍龍、博仔、青青、小雅、十三妹、阿燕同cici，七個人輪流分工，有人負責前線救援、有人負責暫養、有人負責網上宣傳同領養配對。我哋知道一開始一定好難，但係大家都好有熱誠。

成立第一個月，我哋定咗幾個目標：第一，建立一個穩定嘅社交媒體平台，希望多啲人知道我哋嘅存在同工作；第二，喺灣仔區進行一次流浪貓嘅初步統計，瞭解邊個位置嘅流浪動物最多；第三，同區內嘅獸醫診所建立合作關係，等有動物需要治療嗰陣可以有支援。

坦白講，我哋知道力量好細，但係我哋相信，只要肯行出第一步，總會有人睇到，總會有動物因為我哋而改變命運。如果你都係灣仔區嘅街坊，不妨留意嚇我哋嘅page，俾個like同share都係對我哋好大嘅支持㗎！