大王與寶寶——一家七口嘅幸福結局

六月份在大王東街地盤救起的狗媽媽「大王」和六隻狗BB，經過幾個月嘅照顧，狗BB已經戒奶同打好針，可以開放領養。

我哋為佢哋舉辦咗一個小型領養日，反應好熱烈。

領養人首先要填寫詳細問卷，之後我哋逐一面談。

其中一隻黑色狗B「大王仔」俾一對外籍夫婦領養，佢哋住喺半山，屋企有好大嘅花園。

我同佢哋講解咗好多養狗嘅責任，例如外出一定要拖繩、要植入晶片、要定期打防疫針。

佢哋好有經驗，即刻答曬。

領養一個月後我去家訪，見到「大王仔」喺花園跑到傻咗，仲有自己嘅小泳池。

狗媽媽「大王」就俾一個住喺南丫島嘅家庭領養，我搭船去做回訪，見到佢喺海邊散步，毛色靚咗好多。

由地盤嘅流浪媽媽，到而家有自己嘅屋企同使命，呢個轉變真係好大。