聯發街後山發現狗羣及初生狗B
日期： 2023-10-28 21:11:24
作者： 博仔
瀏覽： 1038
有行山人士話聯發街盡頭近山邊位置，有一羣流浪狗出沒，仲有狗媽生咗竇狗B喺樹叢入面。
我同十三妹帶齊裝備去睇。
嗰度要行一段山路先到，現場大約有五六隻成年狗，其中一隻黑色狗媽好瘦，但個肚吊住奶，一定係餵緊奶。
我哋用狗糧慢慢引開其他狗，再喺草叢揾到個竇，有八隻狗B，大約一個月大，啱啱開眼，肥嘟嘟好可愛。
但環境好濕，有好多蚊蟲。
我哋唔可以一次過捉曬，於是分幾日行動，先捉咗狗B同狗媽，再逐步誘捕其他狗。
而家狗媽「聯媽」同狗B已經喺暫養中心，其他狗陸續絕育後原區放回或開放領養。
過程好艱苦但好值得。
95035320