鸚鵡「Hello」嘅回家奇蹟

雖然呢個case係尋回主人多過領養，但都值得同大家分享。

十二月中喺謝斐道閣樓救返嗰隻綠色折衷鸚鵡，我哋喺fb出post揾主人，兩日之後就有個婆婆打嚟，話隻鸚鵡係佢嘅。

婆婆姓李，一個人住喺灣仔，隻鸚鵡叫「綠仔」，陪咗佢好多年。

嗰日佢唔小心打開咗個窗，綠仔就飛走咗，佢揾咗成個禮拜，喊到對眼都腫曬。

李婆婆嚟接綠仔嗰日，佢一入門口，綠仔即刻大叫「Hello！Hello！」仲飛過去佢膊頭。

婆婆攬住佢係咁喊，在場嘅義工個個都眼濕濕。

我同婆婆講解咗家居安全嘅重要，千祈唔好再打開窗，就算開都要有窗網。

婆婆係咁點頭話知道。

雖然綠仔唔係新領養，但係可以令到佢哋團聚，仲可以藉呢個機會教育主人，我覺得好有意義。

之後我都有打電話畀婆婆跟進情況，佢話而家已經揾人裝咗窗網，綠仔好開心，成日唱歌。

呢個就係我哋做救援最想見到嘅結局。