菲林明道救獲中暑兔仔
日期： 2022-06-08 12:12:50
作者： 阿燕
瀏覽： 1357
菲林明道近駱克道街角，有途人發現一個兔籠被棄於路旁，裡面兩隻侏儒兔仔幾乎唔識鬱，水樽打翻曬，太陽曝曬。
我同龍龍收到消息即刻跑去，見到啲兔仔攤喺度，呼吸好急促，鼻同嘴都乾到裂。
我哋即刻將兔籠搬去陰涼處，用濕毛巾輕輕幫佢哋抹身降温，再用針筒慢慢餵電解水。
好彩其中一隻好快就開始鬱，另一隻昏迷嘅喺半個鐘後都醒返，但仲係好虛弱。
帶去診所檢查，話係嚴重中暑同營養不良，要留院吊鹽水。
而家兩隻兔仔改名叫「菲仔」同「林女」，喺我屋企暫養，毛色回復光澤，仲好百厭添。
肯定係啲人貪得意買完唔識養就咁抌出街，完全冇諗過佢哋係生命。
95035320