船船苦盡甘來

三月喺船街斜路救返嗰隻中暑貓「船船」，佢好返之後成日都好嗲人，鍾意攤喺涼浸浸嘅地下。

佢嘅領養故事都幾得意。

領養人係一個喺灣仔返工嘅女仔叫May，佢有日lunch time行過我哋中心，入嚟睇嚇，就咁樣俾船船捕獲咗個心。

May話佢本身冇諗住養貓，但係見到船船對眼就忍唔住。

我同佢講，領養係好大嘅責任，唔可以一時衝動。

我叫佢返去諗清楚先。

一個星期之後，May真係返嚟，仲帶埋自己上網揾嘅養貓資料同買好曬嘅用品相。

佢填申請表嗰陣，有題問「如果貓貓有病，你會點做？」佢答：「我會帶佢睇醫生，無論幾多錢我都會醫，因為佢係我嘅家人。」

我睇到好感動。

家訪確認佢屋企安全之後，船船就跟咗May返屋企。

而家船船改咗名叫「涼粉」，May話因為佢成日攤喺地下好似舊涼粉咁，好搞笑。

見到佢由差啲中暑死喺街頭，到而家有個咁錫佢嘅主人，真係好大嘅對比。