交加街排檔頂救被困三色貓
日期： 2025-09-14 21:35:50
作者： 阿燕
瀏覽： 581
交加街排檔收工，有街坊聽到篷頂有貓叫聲。
我同青青爬上簷篷睇，見到隻三色貓條尾卡喺鐵線度，吊咗唔知幾耐，已經冇力掙扎，叫到聲都沙曬。
條鐵線係綁帆布用嘅，佢應該係跳上去玩嘅時候唔小心纏住咗，越鬱越實，勒到條尾已經變曬色，仲有少少臭味。
我一手托住佢身體等佢唔使成個身吊住，青青用剪鉗小心剪斷鐵線。
條尾傷口好深，直頭見到骨，一定要截尾保命。
帶去診所，獸醫話好彩發現得早，唔係傷口感染上到身就大件事。
手術後佢冇咗條尾，但平衡力竟然仲好好，喺暫養中心成日跳上跳落，一啲都唔似受過傷。
佢好痴人，成日挨住我腳邊喵喵叫。
我哋幫佢改名叫「交尾」，希望佢會揾到個好主人。
95035320